سيل القراميش | أبو زيد حٌميد - كلمات أبو عيسى هيسان 1447هـ

#زامل (( سيل القراميش )) •  أداء  | #أبو_زيد_حميد   • كلمات | #أبو_عيسى_هيسان                  ‏؛؛ـــــــــــــــــــــــــــــــــــــ؛؛ ياغزه الصبر عاد الشعب يوم اقتحش وبذن ربّي نجهز للعــــــــــــــدى نعشها سيل القراميش من بايقطعه لا كرش ذي لا لقي في طريقه من حجر قشها حرام لو تدخل إسرائيل بيت الحنش ما نهجــــــــع الّا ورى مايكتسر مشها ياسيــــدي شدّ باسك صبح ولا غبش لو تطلب امريك نكّرنـــــــــا لها عرشها نهشها بالمسير والصواريــــــــــخ هش من قبل يرتدّ طرف العيــن أو رمشها  ما المملكه والخليجيين  واهل البقش لاقد فلسطيــــن تسلم من بلى قرشها حكام الاعراب ماشي منهم الا الخوش عادي تبا يوم لاما يمتســــــــح نقشها   وخادم البيــــــت والكعبه جعله عكش نغّص فلسطيــن من ماها ومن عيشها أطفال غزه تموت اليوم جوع وعطش وترامب يطلب ترليونــــــــات ويكشها لكن قسم لا نخلي روس الاعدا فقش ونردع امريك واسرائيـــل من طيشها ونقشّ جيش العماله والخيانات  قش ذي بالريال السعــــــودي لوثّت كرشها وعاد بانقرش الجـــلد الذي ما اقترش ونندش اشيـــــــــاء ولو ماودنا ندشها بقيادة البدر وقيـــــادة حسين المجش وحشّهـــــــــــا ياترامب الطاغيه حشّها وباتروا ياهل غزه شعبنــــــــا لا انتبش مابا يقُل كم دية غــــــــــزه وكم أرشها من فقّش الناس ياسرائيل عمد افتقش هذه هي أحكام في الواقـــع وبنعيشها وباتروا بطشـــــــــة الرحمن لاقد بطش وانصاره اللـي شكا العدوان من بطشها حرام لوتنزل الغـــــــارات مثل الطشش وتبلّط الأرض بالفسفــــــــــــور وترشها ماينحنـي راس ابوجبريل ذيب العرش ولا المسيره ولا الدولـــــــــه ولاجيشها نموت لكن نطير اعشــــار مثل الطمش ولا نرى اطفــــــال تتموت على فرشها